Sanxenxo, corazón turístico da comarca do Salnés. Todo está pensado para o lecer e entretemento dos turistas.
Ten unha situación privilexiada, no centro das Rías Baixas, e baixo a influencia dún microclima que a fai especial.Sanxenxo converteuse co paso do tempo na capital turística de Galicia (sempre por detrás, loxicamente, de Santiago de Compostela).
É un destino perfecto para tomar como punto de partida, e desde alí coñecer boa parte da costa galega, así como varias das cidades máis importantes de Galicia. Sanxenxo presume de ofrecer a todos os visitantes un gran número de opcións de lecer (praias, paisaxes, deportes acuáticos, aventura, compras, gastronomía, festas,...), converténdose así nún dos destinos preferidos dos turistas que visitan Galicia.
Esquece o tempo chuvioso que domina Galicia. Sanxenxo ten un microclima con máis horas de sol e unha temperatura superior ao resto da comunidade. No verán, a media é de 24º -nos días de calor pode superar os 30º-, mentres que a media anual é de 15º, xa que a súa orientación sur protéxea dos fríos ventos do norte.
É a capital do concello e centro turístico por excelencia, está situado nunha gran baía da ría de Pontevedra. Con 36 quilómetros de costa, Sanxenxo é hoxe o concello de España con maior número de praias con Bandeira Azul.Na vila de Sanxenxo hai varias praias, pero pódese dicir que as máis representativas son: Silgar e Panadeira, ambas de area branca moi fina, como todas as da ría de Pontevedra.
Podes atopar máis información na páxina de turismo. https://www.turismodesanxenxo.com/